Ամերիկյան կինոարտադրողների ամենամյա «Օսկար» 84-րդ մրցանակաբաշխության արաողությունը կվարի հայտնի կատակերգու դերասան Էդի Մերֆին: Այս մասին հաղորդում է Associated Press գործակալությունը: Այսպիսի որոշում են նախօրեին կայացրել մրցույթի կազմակերպիչները, որի մասին «Օսկարի» պրոդյուսերներ Բրեթ Ռաթներն ու Դոն Միշերը հայտնել են մամուլի ասուլիսի ժամանակ:
Նրանց կարծիքով` Մերֆին համարվում է բացառիկ դերասան, որի սրամտությունն ու քարիզման շատ պետքական կլինեն մրցանակաբաշխությանը: Ինքը` Մերֆին, հայտարարել է, որ շատ շոյված է նման որոշումից և կհայտնվի այնպիսի հայտնի դերասանների շարքում, որոնք վարել են այս մրցանակաբաշխությունը` Ջոնի Կառլսոն, Սթիվ Մարտին, Վուպի Գոլդբերգ և այլք:
Տեղեկացնենք նաև, որ մրցանակաբաշխությունը կայանալու է 2012 թ. փետրվարի 26-ին: 2011-ին այն վարել են Էն Հաթաուեյը և Ջեյմս Ֆրանսկոն:
