Հայաստանը չեղարկելով ԱՄՆ կազմակերպած «Defender 23» զորավարժություններին մասնակցությունը` տեղի է տվել ճնշումներին: «Առաջին լրատվական»-ի հետ զրույցում նշեց ՄԱՀՀԻ ղեկավար, քաղաքագետ Ստյոպա Սաֆարյանը:
Սաֆարյանը չի բացառում, որ Արևմուտքը ըմբռնումով մոտենա Հայաստանի որոշմանը. «Արևմուտքում կա ըմբռնում, որ Հայաստանը դեռևս պատանդի կարգավիճակում է: Եթե ՀՀ իշխանությունը գտնում է, որ հավելյալ գին պետք է վճարեն, ապա զինված ուժերի բարեփոխումները ուշանում են: Ցավում եմ, որ պաշտոնական Երևանը ճնշումների տակ կարող է չեղարկել կարևոր զորավարժությունը»:
Ըստ Սաֆարյանի` ակնհայտ է, որ Հայաստանի դեմ հիբրիդային պատերազմ է, ճնշումներ են գործադրվում. «Ռուսաստանը ագրեսիվ է վերաբերում Արևմուտքի ներգրավմանը Հարավային Կովկասում»: