Դեմարկացիան ու դելիմիտացիան պաշտոնապես չի կարող սկսել, երբ հակառակորդը քո սուվերեն տարածքում է: «Առաջին լրատվական»-ի հետ զրույցում նշեց Բրիտանա-իրանցի հայ աշխարհագրագետ, քարտեզագետ-քարտեզաբան, ակադեմիկոս Ռուբեն Գալիչյանը:
Գալիչյանի խոսքով` եթե թշնամին մեր սուվերեն տարածքում է, չի կարող սահմանագծում լինել, կնշանակի ընդունել, որ դա մեր սահմանը չէ. «ՊՆ-ն ունի քարտեզներ, որտեղ առկա են ՀՀ և Ադրբեջանի վավերացումները: Քարտեզները գծված կան, մեր ՊՆ-ն մանրակրկիտ քարտեզ ունի, թե սահմանը որտեղով է անցնում: Ադրբեջանը կեղծում է քարտեզները, Հայաստանը չգիտեմ` ինչ է անում: Այնտեղ, որտեղ ռուս խաղաղապահն ու ադրբեջանցին են կանգնած, հայ սահմանապահներ ևս պետք է լինեին: Միակ ելքը` մեր ռազմական ուժը բերենք բալանսի ու Բաքվի հետ խոսենք ուժի լեզվով»:
