ԱՄՆ կառավարության հրավերով Հայաստանի Ազգային ժողովի մի խումբ պատգամավորներ այցելել են Վաշինգտոն։ ԱԺ «ՔՊ» խմբակցության պատգամավոր Սիսակ Գաբրելյանը ֆեյսբուքյան իր էջում գրել է.
«Տպավորված եմ կոնգրեսականների հյուրընկալությամբ, Հայաստանի նկատմամբ առանձնահատուկ ուշադրությամբ եւ խաղաղության մեր օրակարգի կարեւորմամբ: ԱՄՆ կառավարության հրավերով մայրաքաղաք Վաշինգտոն եռօրյա այցի ընթացքում ակնհայտ դարձավ, որ բարեկամ ԱՄՆ-ն աջակցում է խաղաղության պայմանագրի օր առաջ կնքմանը:
Մեր պատվիրակությունը վերահաստատեց ժողովրդավարացման ճանապարհ անցնելու մեր վճռականությունը: Կոնգրեսականները ներկայացրին առաջիկայում Հայաստանին նոր աջակցություն տրամադրելու իրենց նախաձեռնությունները»։
