Իսպանիայի վարչապետ Պեդրո Սանչեսը հայտարարել է, որ Չինաստանի առաջնորդ Սի Ցզինպինի հետ հանդիպման ժամանակ Վլադիմիր Զելենսկիի հետ խոսելու կոչ է արել:
Այս մասին Սանչեսը հայտարարել է Պեկինում կայացած մամուլի ասուլիսում։
Ինչպես նշել է Պեդրո Սանչեսը, Սի Ցզինպինի հետ հանդիպման ժամանակ նա մտահոգություն է հայտնել Ուկրաինայում Ռուսաստանի միջամտության առնչությամբ, ինչպես նաև հայտարարել է, որ Իսպանիան աջակցում է նախագահ Զելենսկու նոյեմբերին ներկայացված խաղաղության բանաձևին, որը նախատեսում է Ուկրաինայի տարածքային ամբողջականության վերականգնում մինչև 2014 թվականը։
«Կարծում եմ, որ սա ծրագիր է, որը հիմք է դնում Ուկրաինայում երկարաժամկետ խաղաղությանը և լիովին համապատասխանում է ՄԱԿ-ի կանոնադրությանը և դրա սկզբունքներին, որոնք Պուտինը խախտել է իր միջամտությամբ»,- ասել է Սանչեսը։
Սակայն Իսպանիայի վարչապետը չի հստակեցրել, թե իրեն ինչ է պատասխանել Չինաստանի ղեկավարը։
Հիշեցնենք, անցյալ ամիս Չինաստանը ներկայացրել է Ուկրաինայում խաղաղության իր տեսլականը, որը ներառում է 12 կետ։
