Грузия Online-ի փոխանցմամբ՝ WikiLeaks-յան բացահայտումներից մեկն առնչվում է Վրաստանի խորհրդարանի նախկին խոսնակ Նինո Բուրջանաձեի ամուսնու՝ Բադրի Բիցաձեի գործունեությանը։
Վրաստանում ԱՄՆ նախկին դեսպան Ջոն Տեֆտը 2009 թվականի սեպտեմբերին Պետդեպարտամենտ ուղարկած իր հաղորդագրությունում բերում է մի շարք ապացույցներ, որոնք վկայում են, որ Բուրջանաձեի ամուսինը՝ Վրաստանի ներքին գործերի նախկին նախարար Բադրի Բիցաձեն, մեծ գումարներ է ստացել Ռուսաստանում բնակվող վրացիներից, որոնց մի մասը, ամենայն հավանականությամբ, կրիմինալ հեղինակություններ են։
Վրաստանի ներքին գործերի նախարար Վանո Մերաբիշվիլին ԱՄՆ դեսպանին հայտնել է, թե իրենց մոտ ապացույցներ կան, որ Բիցաձեն գումարային միջոցների հիմնական մասը ստացել է Մոսկվայում բնակվող «օրենքով գողերից»՝ Հայաստանի միջոցով։
Մերաբիշվիլին հավելել է, որ Բուրջանաձեն և Բիցաձեն հաճախ են լինում են Եվրոպայում, ուր և հանդիպումներ են ունենում «օրենքով գողերի» հետ։
Հիշեցնենք, որ այս տարվա օգոստոսի կեսերին Թբիլիսիի քաղաքային դատարանը Բիցաձեին հեռակա կարգով դատապարտել է 5 տարի 6 ամսվա ազատազրկման։
