Ավելի քան 160 գեներալներ և գնդապետներ կեռացվեն ռուսական բանակից Մոսկվայից շրջաններ տեղափոխվելուց հրաժարվելու համար: Պաշտոնանկ կարվեն Գլխավոր շտաբի, ինչպես նաև ՊՆ կենտրոնական և գլխավոր վարչությունների զինվորականներ: Այս մասին գրում է ռուսաստանյան մամուլը:
Российская газета-ն գրում է, որ հենց այս պատճառով է աշխատանքից հեռացվել ցամաքային զորքերի հրամանտարի առաջին տեղակալ Սերգեյ Սկոկովը և ռադիոէլեկտրոնային պայքարի զորքերի հրամանատար, գեներալ-մայոր Օլեգ Իվանովը: Թերթը նշում է, որ նշված գեներալներին նույնիսկ չեն ցանկացել տեղափոխել մարզեր, այլ առաջարկել են այլ պաշտոններ, ինչից նրանք հրաժարվել են:
Ինչպես թերթին ասել է ՌԴ Գլխավոր շտաբի ղեկավար Նիկոլայ Մակարովը, կան զինվորականներ, որոնք Մոսկվայում նստած՝ լեյտենանտից հասել են գեներալի կոչման, և հիմա մեծ դժվարությամբ են համաձայնում տեղափոխվել մարզեր:
Նշվում է, որ գեներալների և գնդապետների տեղափոխությունները կապված են ռազմական բարեփոխումների հետ, որի շրջանակներում զինվորական օկրուգները փոխվել են 4 ռազմավարական հրամանատարության` «Արևմուտք», «Արևելք», «Կենտրոն», «Հարավ»:
