Վրացական GHN լրատվական գործակալության փոխանցմամբ՝ Բրազիլիան վերացնում է Վրաստանի հետ գործող անցագրային ռեժիմը։ Այս մասին հայտարարել է Վրաստանի փոխարտգործնախարար Նինո Կալանդաձեն։ Վերջինիս խոսքերով՝ առաջին փուլում առանց անցագրի ռեժիմը գործելու է 90 օրով.
«Այսուհետ Վրաստանի քաղաքացիները կարող են առանց անցագրի 90 օրով գտնվել Բրազիլիայում։ Բրազիլիա կատարած այցի ժամանակ Վրաստանի արտգործնախարար Գրիգոլ Վաշաձեն կնքել էր մի շարք համաձայնագրեր, այդ թվում՝ նաև անցագրային ռեժիմի վերացման մասին։ Մեր կողմից նույնպես Բրազիլիայի քաղաքացիների համար չի գործում անցագրային ռեժիմը։ Այս համաձայնագիրն ուժի մեջ է մտնելու մոտ 6 ամիս անց»։
Հիշեցնենք, որ Վաշաձեն Բրազիլիա էր այցելել օգոստոսի վերջին իր լատինամերիկյան շրջագայության շրջանակներում։
