Ռուսաստանում 4-ամյա երեխան տրավմատիկ զենքից անզգուշաբար կրակել է իր աչքին: Երիտասարդ ամուսինները երեխայի հետ հանգստանալու են մեկնել Մերձմոսկովյան իրենց ամառանոցը: Երեխան տան պահարաններից մեկում գտել է հոր զենքը և սկսել խաղալ դրա հետ: Ծնողները մի պահ չեն հետևել երեխային, որի ժամանակ էլ տեղի է ունեցել ողբերգությունը:
Դեպքից հետո երեխային ճանապարհային ոստիկանության աշխատակիցների օգնությամբ ծնողները տեղափոխել են մոտակա հիվանդանոց, որտեղ 4-ամյա Արսենիյին վիրահատության են ենթարկել: Ինչպես նշում է Life News-ը` հղում անելով բժշկի խոսքերին, տրավմատիկ զենքի գնդակը երեխայի ուղեղում է հայտնվել, ինչն առաջացրել է ուժեղ արնահոսություն: Այս պահին երեխայի առողջական վիճակը գնահատվում է շատ ծանր: Բժիշկները պայքարում են նրա կյանքը փրկելու համար:
