Հոլիվուդյան հայտնի աստղ Քեմերոն Դիասը խոստովանել է, որ չի սիրում իր գործընկեր Ջենիֆեր Լոպեսին: Երկու դերասանուհիների վատ հարաբերությունների համար վերջին կաթիլը եղել է այն, որ երկուսն էլ սկսել են նկարահանվել նույն ֆիլմում: Ներկա պահին նրանք երկուսն էլ նկարահանվում են «Ինչի՞ սպասել, եթե դուք սպասում եք» ֆիլմում: Նրանք անընդհատ կռվում են և հարաբերություններ պարզում: Դիասն արդեն տանել չի կարողանում Լոպեսի բողոքներն իր ամուսնուց` Մարկ Էնթընիից բաժանվելու վերաբերյալ: Այս մասին հաղորդում է HollywoodLife.com կայքը:
Պետք է նշել, որ Քեմերոնն ամուսնալուծության հետ կապված այս պատմությունը համարում է փիար: «Քեմերոնը կարծում է, որ Ջեյ Լոն գիշերային մղձավանջ է, վատ համբավով կինոաստղ: Ջեյն անընդհատ ընդմիջումներ է անում, որպեսզի տեսնի իր երեխաներին: Բացի այդ, նա սնվում է կոնկրետ ժամանակահատվածում: Իսկ ժամը 10:15 ավարտում է աշխատանքը, նրան է մոտենում օգնականը և տալիս պրոտեինով հարուստ բուսական սնունդ»,- ասել է ականատեսը:
