Աֆղանստանի Թալիբներն ազատ են արձակել ավելի քան 8 ամիս առաջ առևանգված թուրք 4 ինժեներների: Այս մասին հայտնում է BBC-ն: Գերիների ազատության գործում մեծ դեր է ունեցել տեղի ցեղական առաջնորդների և Կարմիր Խաչի միջնորդությունը, ովքեր գերիներին ազատվելուց հետո հանձնել են Աֆղանստանի իշխանություններին:
Առայժմ պարզ չէ գերիներին ազատ արձակելու պատճառը, հնարավոր է նրանց համար փրկագին է վճարվել: Կարծիք կա, որ թուրքերին ազատ են արձակել այն բանից հետո, երբ աֆղանական բանտերից ազատվել են Թալիբանի անդամները:
Թալիբների ներկայացուցչի խոսքերով թուրք գերիներին իրենք ազատել են Ռամադանի ավարտի կապակցությամբ:
