Պաշտոնական Անկարան մտադիր է Իսրայելի կողմից Գազայի հատվածը շրջափակման ենթարկելու փաստի կապակցությամբ դիմել միջազգային դատարան:
Ինչպես հայտնում է BBC-ն, Թուրքիայի նման քայլը խոսում է թուրք-իսրայելական հարաբերությունների լարվածության նոր ալիքի մասին: Երկու երկրների միջև հարաբերությունների վատացման համար հիմք ծառայեց անցյալ տարի Գազա ուղևորվող նավերի վրա իսրայելական հատուկջոկատայինների հարձակումը, որի ժամանակ սպանվեց Թուրքիայի 9 քաղաքացի:
Ինչպես նշել է Թուրքիայի արտգործնախարար Ահմեդ Դավուդօղլուն, իրենց մտադիր չեն բավարարվել ՄԱԿ-ի հետաքննության արդյունքներով և ամբողջությամբ մերժում են դրանց եզրակացությունները, քանի որ ՄԱԿ-ը Գազայի հատվածը Իսրայելի կողմից շրջափակելու քայլը օրինական է գնահատել:
Թուրքիայի արտաքին գերատեսչության ղեկավարն այս հայտարարությունն արել է Լեհաստանում: Ավելի վաղ Թուրքիան արտաքսել էր Անկարայում Իսրայելի դեսպանին: