Տեղեկատվական տեխնոլոգիաների դարաշրջանն ազդում է նաև դասական արվեստի վրա: Պարզվում է՝ Լոնդոնի ֆիլհարմոնիկ նվագախումբը կատարել է ավելի քան 20 տեսախաղերի երաժշտությունը: Այս մասին հաղորդում է BBC-ն: Համերգը տեղի է ունեցել երեկ՝ Լոնդոնի թագավորական փառատոնային դահլիճում: Այն Vision Sound Music փառատոնի մի մասն է, որ տեղի է ունենում Մեծ Բրիտանիայի մայրաքաղաքում՝ սեպտեմբերի 2-4-ը:
Կատարվել են այնպիսի խաղերի երաժշտություն, ինչպիսին են Elder Scrolls, Call of Duty, Legend of Zelda, Battlefield 3, World of Warcraft, Grand Theft Auto, Mass Effect, Fallout 3, Tetris, Super Mario, Angry Birds և այլ խաղեր:
Նախատեսվում է, որ նվագախումբը շուտով կթողարկի հատուկ ձայնասկավառակ, որտեղ կներկայացվեն ՏՏ երաժշտության նոր կատարումները:
