«Հանուն Հանրապետության» կուսակցության քաղխորհրդի անդամ Արտաշես Խալաթյանը կարծում է, որ Ստեփանակերտում հանրահավաքը կարևոր էր և մեսիջ էր Ադրբեջանին ու միջազգային հանրությանը․ «Եթե Հայաստանն ու Արցախը կատարեն տնային աշխատանքը՝ հնարավոր է շարժվենք Արցախի կոսովոյացման ուղղությամբ: 44-օրյա պատերազմից հետո լիովին ձևախեղված արցախյան հարցը դուրս է բերվել հայանպաստ հուն»:
Ըստ Խալաթյանի՝ Ռուբեն Վարդանյանն ու Արցախի որոշ պաշտոնյաներ փորձ են անում տարանջատել Հայաստանն ու Արցախը․ «Արցախի և Հայաստանի տարանջատման գործընթացի փորձ է արվում, որը ձեռնտու է միայն Մոսկվային: Արցախի ժողովուրդը տեսնում է Հայաստան-Արցախ միասնություն, իսկ հարթակի հիմնական հռետորը այլ ռևերանսների մեջ էր: Արցախում հանրահավաքին ժողովուրդը և հարթակը ունեին տարբերակված մոտեցումներ: Արցախի ժողովուրդը չէր եկել ռուս խաղաղապահի մանդատը երկարացնելու համար: Արցախի ժողովուրդը հանրահավաք եկել էր Հայաստանի և Արցախի միասնությունը ցուցանելու համար: Հարթակը Ռուբեն Վարդանյանի գլխավորությամբ եկել էին Արցախը Հայաստանից տարանջատելու սոցիալական հիմք ձևավորելու համար»,-նշեց Խալաթյանը: