Թուրքական Zaman թերթի փոխանցմամբ՝ Թուրքիայի արտգործնախարար Ահմեդ Դավութօղլուն հայտարարել է, որ մինչև ՄԱԿ-ի կողմից «Մավի Մարմարա»-ի միջադեպի վերաբերյալ հրապարակումը Թուրքիայից Իսրայելի ներողություն չխնդրելու պատճառով թուրքական կողմը վճռել է պատժիչ քայլերի դիմել։
Նվազագույն մակարդակի են իջեցվելու թուրք-իսրայելական հարաբերությունները՝ հասցվելով ժամանակավոր հավատարմատարի (երկրորդ քարտուղարի) մակարդակին։ Չորեքշաբթի օրը երկու երկրների դիվանագիտական ներկայացուցիչները վերադառնալու են իրենց երկրներ։ Առկախվելու են Իսրայելի հետ կնքված բոլոր ռազմական համաձայնագրերը։
«Մավի Մարմարա»-ի միջադեպի ժամանակ տուժած թուրքերի հարազատներն Իսրայելի դեմ դիմելու են միջազգային դատարաններ։ Թուրքիան չի ճանաչում Իսրայելի կողմից Գազայի հատվածի շրջափակումը և անելու է հնարավորը՝ «Մավի Մարմարա»-ի միջադեպը Արդարադատության միջազգային դատարանում քննելու համար։
