Երեկ՝ դեկտեմբերի 20-ին, խոշոր ավտովթար է տեղի ունեցել Սյունիքի մարզում։ Ժամը 20։00-ի սահմաններում Սյունիքի մարզի բնակիչ 57-ամյա Գալուստ Խ․-ն իր վարած Mercedes մակնիշի ավտոմեքենայով Երևան-Մեղրի Մ-2 ավտոճանապարհի 371 կմ հատվածում բախվել է հանդիպակաց երթևեկող, Սյունիքի մարզի բնակիչ 57-ամյա Կամո Հ.-ի վարած Volvo մակնիշի բեռնատարին։ Այս մասին հայտնում է shamshyan.com-ը։
Վթարի հետևանքով Գալուստ Խ․-ն, նրա ուղևորներ՝ Սյունիքի մարզի բնակիչներ 48-ամյա Նունե Հ․-ն, 37-ամյա Վաղարշակ Հ․-ն, 32-ամյա Մարգարիտա Խ․-ն և 10-ամյա Հենրի Հ․-ն մարմնական վնասվածքներով տեղափոխվել են «Մեղրի» բժշկական կենտրոն։
Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Հենրի Կոստանյանը տեղեկությունը փոխանցել է Հայաստանի քննչական կոմիտեի Սյունիքի մարզային քննչական վարչություն, որտեղից ժամանել է քննչական խումբը՝ ավագ քննիչ Մինասյանի գլխավորությամբ, ում կողմից վթարի փաստով նախաձեռնվել է վարույթ։
Գ․ Շամշյանի տեղեկություններով՝ վիրավորներից Վաղարշակ Հ․-ն ծառայում է ՀՀ ՊՆ N զորամասում, իսկ Հենրի Հ-ն նրա տղան է։
