Չինաստանը ԱՄՆ ճնշումներից ներքո կրճատում է Իրանի էներգետիկ համակարգում ներդրումների ծավալը: Այս մասին հաղորդում է Reuters գործակալությունը: «ԱՄՆ-ը հասկացրել է չինացիներին, որպեսզի հեռու մնան այդ երկրից»,- ասել է գործակալության աղբյուրը:
Չինաստանն էլ գնացել է այս քայլին, որպեսզի չմեծացնի լարվածությունը երկու երկրների միջև: «Հաստատ կարող եմ ասել՝ չինացիները հպարտանում են նրանով, որ սահմանափակումներ են մտցնում»,- ասել է աղբյուրը: Ամերիկացի օրենսդիրները կարծում են, որ Պեկինի քայլերն այս ուղղությամբ, այդուհանդերձ, բավարար չեն:
Նշվում է, որ խորհրդարանականները նույնիսկ պատրաստվում են նոր օրենքներ ընդունել, որով կստիպեն Բարաք Օբամայի վարչակազմին պատժամիջոցներ կիրառել Չինաստանի ընկերությունների դեմ: «Ընտրություններից առաջ վարչակազմը չի ցանկանում, որպեսզի նրա դիրքերն այս հարցում թույլ լինեն»,- ասել է Վաշինգտոնում գործող Ժողովրդավարության պաշտպանության հիմնադրամի գործադիր տնօրեն Մարկ Դուբովիցը:
