Ուկրաինայի ԱԳՆ-ն մտահոգություն է հայտնել Միխեիլ Սաակաշվիլիի վիճակի վերաբերյալ, ով Ուկրաինայի քաղաքացիություն ունի, և կոչ է արել Վրաստանին թույլ տալ նրան տեղափոխել արտերկիր ՝ բուժման։
«Ուկրաինայի արտաքին գործերի նախարարությունում խորապես մտահոգված են Ուկրաինայի քաղաքացի Միխեիլ Սաակաշվիլիի առողջական վիճակի էական վատթարացմամբ։ Հաշվի առնելով Ուկրաինայի քաղաքացու կրիտիկական վիճակը՝ կոչ ենք անում վրացական կողմին ապահովել նրան պատշաճ բժշկական օգնությամբ, ինչպես նաև բավարարել Միխայիլ Սաակաշվիլիի պատիժը հետաձգելու միջնորդությունը՝ նրան եվրոպական կամ ամերիկյան կլինիկաներից մեկը տեղափոխելու համար՝ հետագա բուժման նպատակով»,- ասվում է Ուկրաինայի ԱԳՆ հայտարարության մեջ։
