Գետնի վրա ունենք եռակողմ հայտարարություն, որի լեգիտիմության վերաբերյալ ՀՀ-ն առիթը բաց չի թողնում ՌԴ բացառիկ դերը ընդգծելու համար: «Առաջին լրատվական»-ի հետ զրույցում նշեց Հանուն Հանրապետության կուսակցության քաղխորհրդի անդամ Արտաշես Խալաթյանը, ավելացնելով, որ ՌԴ-ն դրսևորում է անգործություն և դրանով խախտում Լաչինի միջանցքի անվտանգության և անխափան շահագործման իր պարտականությունը:
Վերջինս կարծում է, որ դիվանագիտական գետնի վրա Արցախի հարցում բեկում կլինի, երբ ՀՀ-ն դիմի ՄԱԿ ԱԽ․«Հայաստանը ՄԱԿ ԱԽ-ից պետք է խնդրի ձևավորել խաղաղապահ միջազգային առաքելություն և ուղարկել Արցախ: Հայաստանի անվճռականությունը նաև սնուցվում է Արցախի իշխանությունների անհասկանալի քաղաքականությամբ: Արցախի և Հայաստանի իշխանությունների պատկերացումների միջև խորը անջրպետ է կարգավորման հարցում»:
Ըստ Խալաթյանի՝ Արցախի պատվիրակության Ֆրանսիա այցից շահողը միայն ՌԴ-ն էր․ նրանք գնացել էին Մոսկվայի ուղերձը փոխանցելու․ «ԵՄ առաքելության չերկարաձգումը պատասխան էր Արցախի իշխանությունների Ֆրանսիա տապալված այցին պատասխան էր միջազգային հանրության համար մեր դիրքորոշման անհասկանալիությանը: Ռուսաստանը օգտագործում է Արցախի կախվածությունը իրենից և բանեցնում այն Ադրբեջանի հետ հարաբերություններում»:
