Ֆրանսիայի նախագահ Նիկոլա Սարոկզին և Մեծ Բրիտանիայի վարչապետ Դևիդ Քեմերոնը կարծում են, որ Լիբիայի նախկին առաջնորդ Մուամար Քադաֆին կարող է դատվել իր երկրում, և պարտադիր չէ նրան հանձնել Հաագայում Միջազգային քրեական դատարանին: Այս մասին հաղորդում է RBC-ն` հղում անրելով Associated Press գործակալությանը:
Այս մասին եվրոպացի առաջնորդներն ասել են Փարիզում Լիբիայի հարցով շփման խմբի համաժողովի ժամանակ: «Լիբիացիներն իրենք պետք է որոշեն, թե ինչպես դատեն բռնակալին, երբ հայտնաբերեն նրան»,- ասել է Սարկոզին: Նմանատիպ հայտարարություն է արել նաև Մեծ Բրիտանիայի վարչապետը: Շատերն այս հայտարարությունները ինքնադատաստանի կոչ են որակել:
