Թուրքիայում սպառողական գների աճի տեմպերը նոյեմբեր ամսին դանդաղել են 18 ամսվա ընթացքում առաջին անգամ՝ իջնելով 85 տոկոսի նշագծից: Այդ մասին տեղեկանում Է «Ինտերֆաքս» գործակալությունից:
Երկրի վիճակագրական ինստիտուտի (Turkstat) տվյալների համաձայն՝ անցած ամսին գները (CPI ինդեքս) տարեկան արտահայտությամբ ավելացել են 84,4 տոկոսով: Հոկտեմբերին գնաճը կազմել Էր 85,5 տոկոս: Trading Economics-ի հարցմանը մասնակցած վերլուծաբանները սպասում Էին գնաճի մեղմացում միջինը մինչև 84,65 տոկոս: Հոկտեմբերի համեմատ սպառողական գներն աճել են 2,9 տոկոսով՝ հակառակ սպասվող 3 տոկոսի:
Սեպտեմբերին սպառողական գների աճը կազմել էր 3,5 տոկոս: Մինչդեռ երկրում արտադրողների գների աճի տեմպերը (PPI ինդեքս) նոյեմբերին դանդաղել են՝ տարեկան արտահայտությամբ հասնելով մինչև 136 տոկոսի՝ մեկ ամիս առաջվա 157,7 տոկոսի համեմատությամբ:
Ամսական հաշվարկով ցուցանիշն աճել Է ընդամենը 0,7 տոկոսով մեկ ամիս առաջ 7,8 տոկոսով կտրուկ բարձրանալուց հետո: Նոյեմբերի վերջին Թուրքիայի Կենտրոնական բանկն առանցքային տոկոսադրույքը նվազեցրել Է 1,5 տոկոսային կետով՝ հասցնելով 9 տոկոսի, և ազդարարել դրամավարկային քաղաքականության մեղմացման ցիկլի ավարտի մասին: 2021 թվականի սեպտեմբերից ԿԲ-ն տոկոսադրույքը նվազեցրել Էր 11,5 տոկոսային կետով:
Գործակալությունը նշում է, որ թուրքական լիրայի փոխարժեքը երկուշաբթի օրը սակարկությունների ընթացքում թեթևակի փոխվում Է և գտնվում Է 1 դոլարի դիմաց մոտավորապես 18,64 լիրայի սահմանում: Թուրքական BIST 100 ֆոնդային ինդեքսը նվազել Է 0,7 տոկոսով, ընդ որում՝ ընթացիկ տարվա սկզբից ի վեր այն բարձրացել Է ավելի քան 2.5 անգամ (165 տոկոսով):