Միացյալ Նահանգները ճնշում է գործադրում եվրոպական երկրներում ՆԱՏՕ-ի դաշնակիցների վրա՝ պահանջելով ավելի կոշտ դիրքորոշում Չինաստանի հանդեպ և կոնկրետ միջոցներ ընդունել Պեկինին զսպելու համար։ Այս մասին երեքշաբթի հայտնել է Financial Times-ը։
Թերթի աղբյուրը նշել է, որ հունիսին համաձայնեցված ՆԱՏՕ-ի նոր ռազմավարական հայեցակարգը վերաբերում է Չինաստանի կողմից ստեղծված «համակարգային խնդիրների լուծմանը», ուստի այս հարցի շուրջ բանակցությունները շարունակվում են։
Իր հերթին, ԱՄՆ պետդեպարտամենտի ներկայացուցիչն ասել է, որ ՆԱՏՕ-ի երկրների ԱԳ նախարարները բուխարեստյան հանդիպման ժամանակ կքննարկեն դաշինքի անդամների ճկունությունը և Չինաստանից բխող մարտահրավերները չեզոքացնելու ուղիները. «Մենք խորապես գնահատում և խրախուսում ենք ընդհանուր եվրոպական մոտեցումը Չինաստանի նկատմամբ»,-ասել է պաշտոնյան։
