Vanity Fair ամսագիրը հրապարակել է «նոր էլիտայի» ցուցակը, որը գլխավորում է Facebook սոցիալական ցանցի հիմնադիր Մարկ Ցուկերբերգը: Ըստ ամսագրի` լավագույն 50-ի մեջ տեղ են զբաղեցնում նորարարական սերնդի արկածախնդիր ստրատեգները, շնորհաշատ ինժեներները և գործարարները, որոնց հաճախ կարելի է տեսնել մարզական շապիկներով, ուսապարկերով և գզգզված մազերով: Այս մասին հաղորդում է Associated Press գործակալությունը:
Ցուկերբերգն այս ցուցակը գլխավորում է երկրորդ անգամ, սակայն շարունակում է մնալ «նոր էլիտայի» ամենաերիտասարդ ներկայացուցիչը: Facebook-ն այս ցուցակում ունի ևս մեկ ներկայացուցիչ` գործառնական տնօրեն Շերիլ Սանդբերգը, որը զբաղեցրել է 26-րդ տեղը:
Երկրորդ տեղում են Google որոնողական հսկայի հիմնադիրները` Սերգեյ Բրինը և Լարի Փեյջը: Եռյակը եզրափակում է Amazon մանրածախ առևտրի կայքի հիմնադիր Ջեֆ Բեզոսը: Այս ցուցակում տեղ են զբաղեցրել նաև Apple ընկերության ղեկավար Թիմ Քուքը և ընկերության դիզայներ Ջոնաթան Իվը: Լավագույն հնգյակում է Twitter միկրոբլոգների կայքի հիմնադիր Ջեք Սորսին:
