Այսօր կառավարության շենքից դուրս եկավ ոստիկանապետ Ալիկ Սարգսյանը, ու հավաքված մարդիկ նրան դիմավորեց «ամոթ, ամոթ» կոչերով։ Ոստիկանապետը ասաց, որ իրեն պետք չէ մեղադրել նրա համար, ինչն իր իրավասության տակ չէ: «Ինձ հարցեր տվեք ոստիկանության առնչությամբ»,- ասաց Սարգսյանը և խոստացավ ՊՆ նախարարին խնդրել, որպեսզի նա հանդիպի զոհված զինծառայողների ծնողների հետ և հարցերին լուծում տա:
Ոստիկանապետն անդրադարձավ ոստիկանության՝ կոռուպցիայի դեմ պայքարին: «Նոր չէ, որ սկսել ենք այդ պայքարը, դրա մասին նախագահը կոչ հնչեցրել է վաղուց, նման դեպքում ես ընկերոջս էլ, բարեկամիս էլ չեմ խնայի, թող իրենց նորմալ պահեն, երկրում այն վիճակն է, որ դրանով զբաղվելը հանցագործությունն է»,-ասաց նա՝ հավելելով, որ Մարգար Օհանյանի ձերբակալումը կապ չունի իր անձնական շահերի հետ, և Մարգար Օհանյանի հետ համատեղ բիզնես ունենալու լուրը սուտ է: Այն հարցին, թե ինչու չի հրապարակվում ՀԱԿ ակտիվիստների և ոստիկանության հետ խոսակցությունը, ոստիկանության բաժանմունքում նկարահանված տեսանյութի միայն 8 րոպեն է հեռարձակվել՝ Ալիկ Սարգսյանը պատասխանեց, որ ձայնագրության ամբողջ «հում մատերիալը» ինքը ուղարկել է լրատվամիջոցներին:
«Տիգրան Առաքելյանի գործը, իմ խորին համոզմամբ, իրավական դաշտում է, քաղաքական որևէ խնդիր չկա, «ոնց որ մարդը խուսափի բանակ գնալուց, ասենք քաղաքականության մեջ է, բանակ չգնաց՝ դրա համար ձերբակալեցին»,- ասաց Ալիկ Սարգսյանը:
