Տարածաշրջանային հարցերով փորձագետ Արմեն Պետրոսյանը «Առաջին լրատվական»-ի տաղավարում անդրադարձել է հոկտեմբերի 31-ին Սոչիում Փաշինյան-Պուտին-Ալիև հանդիպմանը։
Փորձագետի խոսքով՝ Ռուսաստանի նպատակը սեփական դիրքերին ուղղված հարվածները չեզոքացնելն է։ Նա նշել է, որ ՌԴ-ն փորձելու է բոլոր հնարավոր միջոցներով երկու երկրներին էլ պահել իր առաջարկած ձևաչափերում։ «Կուտակվել են խնդիրներ, որոնք պետք է լուծել, որոնք որակական նոր մակարդակի բարձրացան սեպտեմբերի 13-14-ի էսկալացիայից հետո»,-ասել է Պետրոսյանը՝ հավելելով, որ ՀՀ-ն այնտեղ գնում է պահանջատերի դիրքերից։ Նրա խոսքով՝ ՌԴ-ն կորցրել է ազդեցությունը ինչպես տարածաշրջանում, այնպես էլ Հայաստանում։ Այնուամենայնիվ, Պետրոսյանը կարծում է, որ Ռուսաստանին պետք չէ այդքան շուտ խաղից դուրս թողնել։
