Օգոստոսից վերջից Ռուսաստանում վաճառվում է Bubble կոմիքսների ամսագիրը: Ամսագրի շապիկի նկարը Twiiter միկրոբլոգերի կայքի իր էջում հրապարակել է Աշոտ Գաբրիելյանովը: Lenta.ru-ի հետ հարցազրույցում News Media ընկերության գործադիր տնօրենն ասել է, որ ամսագրի գլխավոր խմբագիրն է իր եղբայրը՝ Արտեմը:
Գաբրիելյանովը պատմել է, որ նոր ամսագիրն արժե 50-60 ռուբլի (մոտ 650-700 դրամ) և լույս է տեսնելու ամսական մեկ անգամ՝ 10 հազար տպաքանակով: Այն առայժմ տարածվում է միայն Մոսկվայում, սակայն շուտով կհայտնվի նաև շրջանների կրպակներում:
Հիշեցնենք նաև, որ News Media-ն թողարկում է մի շարք հայտնի պարբերականներ, ինչպիսիք են Жизнь-ն ու Известия-ն, ինչպես նաև նրան է պատկանում հայտնի LifeNews և LifeSport կայքերը:
