Մեծ Բրիտանիայի գիտնականները հայտարարել են, թե իրենք հայտնաբերել են ջրիմուռների մեջ պարունակվող այն նյութը, որը կարելի է օգտագործել մարդու մաշկը արևից պաշտպանվելու համար: Այս մասին հաղորդում է BBC-ն:
Ավստրալիայի ափերի մոտ աճող ջրիմուռներում գոյություն ունի մի նյութ, որը պաշտպանում է մարդու մաշկը ուլտրամանուշակագույն ճառագայթների վտանգավոր ազդեցությունից: Այդ նյութը նմանատիպ գործառույթ է իրականացնում նաև հենց ջրիմուռների և մարջանախութերի համար:
Մասնագետներն ասում են, որ ձկները, որոնք սնվում են մարջանախութերի մոտ, նույնպես պաշտպանված են արևի վտանգավոր ազդեցությունից: Նրանք կարծում են, որ այս նյութը փոխանցվում է շղթայաբար և կարող է ոչ անմիջականորեն հայտնվել նաև մարդու օրգանիզմում: Մասնագետները հայտարարել են, որ մարկանց վրա հայտնաբերված նյութի փորձարկումը կսկվի երկու տարուց:
