«Որպեսզի ԵՄ անդամ որևէ երկիր կայունության երաշխավոր լիներ, պետք է մասնակից լիներ այսօրվա ստատուս-քվոյի ձևավորմանը» ,-«Առաջին լրատվական»,-ի հետ զրույցում նման կարծիք հայտնեց Արցախի խորհրդարանի արտաքին հարաբերությունների մշտական հանձնաժողովի նախկին նախագահ Վահրամ Աթանեսյանը՝ անդրադառնալով Հայաստան-Ադրբեջան սահմանի երկայնքով ԵՄ դիտորդական առաքելություն տեղակայելու հանգամանքին։ Աթանեսյանի խոսքերով՝ Ռուսաստանը մինչև վերջ պահպանելու է այստեղ «առաջին ջութակ» լինելու իր օրինական իրավունքը։
Այժմ, ըստ Աթանեսյանի, պետք է լծվել ընդհանուր գործի՝ հայ-ադրբեջանական բանակցությունները տրամաբանական ավարտին հասցնել։ Վահրամ Աթանեսյանը դեռ 2020 թվականի նոյեմբերին է խոսել Բաքու-Ստեփանակերտ երկխոսության անհրաժեշտության մասին և կարծում է, որ այս ժամանակահատվածը մենք իզուր բաց ենք թողել։Ըստ Աթանեսյանի՝ Ստեփանակերտի հրապարակում չի հնչում որևէ ռացիոնալ միտք․«Կարծես 44 օրյա պատերազմ չի եղել»,-եզրափակեց նա։
