Անօրինական միգրանտների թվաքանակը, որոնք փորձել են հատել լեհ-բելառուսական սահմանը, այս ամսվա ընթացքում արդեն երկրորդ անգամ գերազանցել Է 100-ը: Այդ մասին հաղորդել Է Լեհաստանի սահմանային պահպանությունը: «Հոկտեմբերի 5-ին օրվա ընթացքում փորձել Է անօրինականորեն Բելառուսից Լեհաստանի տարածք թափանցել 116 մարդ, այդ թվում՝ Սիեռա Լեոնեի քաղաքացիներ»,-ասվում Է հաղորդագրության մեջ:
«34 մարդ մոտեցել Է արգելափակոցին, բայց հետ են գնացել Բելառուս»,-հավելել են սահմանապահները: Հոկտեմբերի 1-ին սահմանապահները կանխել են սահմանի անօրինական հատման 120 փորձ: Ավելի վաղ մի քանի ամիս այդպիսի փորձերի թիվը կազմել Է օրական մի քանի տասնյակ: Հոկտեմբերի 5-ին սահմանն անօրինական հատելու մեջ միգրանտներին օգնելու համար ձերբակալվել Է երկու մարդ: Շրի Լանկայի մի քաղաքացի գերմանացու տեսքով բնակության համար փոխադրել Է Աֆղանստանի եւ Շրի Լանկայի ութ քաղաքացու: Անցյալ տարվա կեսերին Բելառուսի եւ Լեհաստանի սահմանին կուտակվել Է մի քանի հազար միգրանտ՝ հույս ունենալով հայտնվել ԵՄ-ի երկրներ:
Լեհաստանի իշխանություններն ուժեղացրել են սահմանների պահպանությունը, կենտրոնացրել զինվորականների եւ կասեցրել երկրի տարածք թափանցելու անօրինական միգրանտների փորձերը՝ Մինսկին մեղադրելով միգրացիոն ճգնաժամի մեջ: Այդ բոլոր մեղադրանքները Բելառուսը հերքում Է, հայտարարելով, որ Լեհաստանը ուժով միգրանտներին արտաքսում Է իր տարածք եւ արհեստականորեն բորբոքում փախստականների հետ կապված իրադրությունը: Բելառուսի նախագահ Ալեքսանդր Լուկաշենկոն նշել Է, որ Մինսկն այլեւս չի զսպելու անօրինական միգրանտների հոսքը ԵՄ-ի երկրներ. Արեւմուտքի պատժամիջոցների պատճառով դրա համար չկա «ո՛չ փող, ո՛չ ուժ»: Ամռանը Լեհաստանը ավարտել Է Բելառուսի հետ սահմանի վրա արգելափակոցի շինարարության հիմնական մասը: Ցանկապատի երկարությունը կազմում Է 186 կիլոմետր, բարձրությունը՝ հինգ մետր, արժեքը՝ 1,6 միլիարդ զլոտի (շուրջ 400 միլիոն դոլար): Այժմ կոնստրուկցիան հանդերձում են գիշերային տեսախցիկներով, շարժման տվիչներով եւ այլ Էլեկտրոնիկայով, հաղորդել Է ՌԻԱ Նովոստին:
