Երեկ «Հրապարակ»-ը Ջերմուկում հանգստացող մի ընթերցողից դժգոհություն է ստացել այն մասին, որ երբ ցանկացել են «Կոկա-կոլա» խմել, ամբողջ հանգստավայրում չեն կարողացել գոնե մեկ շիշ այդ խմիչքից գտնել։
«Պատճառն այն է, որ «Ջերմուկ Գրուպի» սեփականատեր Աշոտ Արսենյանը «Պեպսի» է արտադրում և արգելել է այդ տարածքում վաճառել այլ զովացուցիչ ըմպելիքներ։ Ըստ մեր զրուցակցի՝ երբ նա փորձել է այլ խանութում փնտրել «Կոկա-կոլա», վաճառողը խորհուրդ չի տվել՝ ասելով, որ դեռ ոչ ոք չի համարձակվել արսենյանական դրվածքին դեմ գնալ՝ այլ ըմպելիք վաճառելով։ Սա էլ մենաշնորհի մի տեսակ է՝ յուրաքանչյուր տարածքում մի օլիգարխ տնօրինում է, թե ժողովուրդն ինչ ուտի, խմի, անի»,- հավելում է «Հրապարակ»-ը։
