Sunday, 25 09 2022
Հայաստանը, Երևանն այս տարի դարձել են բռնցքամարտի համաշխարհային կենտրոններից մեկը. Արայիկ Հարությունյան
16:00
Լոնդոնն ավելացնում է բանակի և ռազմական ծախսերը
Ադրբեջանի կողմից հայկական մշակութային ժառանգության միտումնավոր ոչնչացումը մարտահրավեր է համայն մարդկության համար. Միրզոյան
15:30
Իրանը պետք է կոշտ արձագանքի երկրում ընթացող բողոքի ցույցերին. Ռաիսի
Ինչպես են ընթանում Չարենցավանում ՏԻՄ ընտրությունները
«Հայաստանը պետք է ստորագրի Ադրբեջանի առաջարկած խաղաղ համաձայնագիրը». Չավուշօղլու
Կանայք բողոքի ցույց են անցկացրել Յակուտսկում ըննդեմ մոբիլիզացիայի
Ադրբեջանի լայնածավալ ագրեսիայի հետևանքով 7600 մարդ հարկադրված լքել է իր տունը
Հանդիպել են Հայաստանի և Իրանի ԱԳ նախարարները
Հայաստանի 18 համայնքներում անցկացվող ՏԻՄ ընտրություններին ժամը 11։00-ի դրությամբ մասնակցել է ընտրողների 10.03 տոկոսը
Այդ գործընթացը սկսելու միակ հնարավոր ճանապարհն այն է, որ Ադրբեջանը դուրս գա Հայաստանի տարածքից
Արարատ Միրզոյանը սիրիացի գործընկերոջը ներկայացրել է Ադրբեջանի սանձազերծած ագրեսիայի հետևանքով ստեղծված իրավիճակը
Մարդկային ռեսուրսներ դեպի Արցա՞խ, թե՞ հերթական ռուսական էքսպանսիա․  ի՞նչ կտա երկքաղաքացիության ամրագրումն Արցախի սահմանադրությունում
Ժամը 11.00-ի դրությամբ Եղեգիսում քվեարկել է ընտրողների 9,48, Արենիում՝ 6,17 տոկոսը
Պահանջարկ կա, գնող՝ ոչ. Ավիատոմսերի կտրուկ գնաճը փոխել է իրավիճակը
Պուտինը հրամանագիր է ստորագրել ուսանողների համար մասնակի զորահավաքը հետաձգելու մասին
Ռուսական մոբիլիզացիայի հայկական արդյունքը
12:45
Հայտնի է՝ մինչև երբ կաշխատի Windows 10 օպերացիոն համակարգը
Ադրբեջանը Հայաստանին առաջարկել է հանդիպման վայր ու ժամ՝ խաղաղության համաձայնագիրը քննարկելու համար
12:15
G7-ի ԱԳՆ ղեկավարները կհանդիպեն 2023 թվականի ապրիլի 16-18-ը Ճապոնիայում
12:00
ԵՀ-ն հայտարարել Է անհատական հիմնավորմամբ ռուսաստանցիների մուտքը մերժելու իրավունքի մասին
11:45
Toyota-ն կփակի գործարանը Ռուսաստանում, կազատի օֆիսի եւ ձեռնարկության աշխատակիցներին
11:30
Բրիտանիան կարող Է միանալ Մակրոնի «Եվրոպական քաղաքական հանրակցությանը». BBC
Սպասվում է կարճատև անձրև և ամպրոպ, օդի ջերմաստիճանը կնվազի
Այս պահին որևէ ահանզագ չկա. ԿԸՀ նախագահ
Հայ-ադրբեջանական սահմանին հարաբերականորեն կայուն է
Կա լարվածություն Իրան-Ադրբեջան հարաբերություններում․ Թեհրանը շատ հասցեական դիմում է Էրդողանին
10:24
Ֆինլանդիան եւ Շվեդիան ՆԱՏՕ-ի անդամ կդառնան արդեն այս տարի. ԱՄՆ-ի դեսպան
Պայմանագրեր չկան․ Արենիում խաղողի մթերման խնդրի առաջ են
Ղազախստանի սենատը բացառել Է Առաջին նախագահի օրը պետական տոների ցուցակից

Փաշինյան-Ռայիսի հանդիպում. բարդ կծիկն ու Էրդողանի հայտարարությունը

Հայաստանի վարչապետ Նիկոլ Փաշինյանը Նյու Յորքում սեպտեմբերի 22-ին հանդիպել է Իրանի նախագահ Իբրահիմ Ռայիսի հետ: Հայաստանի վարչապետն ու Իրանի նախագահը հանդիպել են ՄԱԿ ԳԱ շրջանակում, որին մասնակցելու համար մեկնել են ԱՄՆ: Իրանի նախագահի և Հայաստանի վարչապետի հանդիպում ծրագրված էր ուզբեկական Սամարղանդում, Շանհայի գործակցության կազմակերպության Վեհաժողովում, սակայն ադրբեջանական ագրեսիայի հետևանքով ստեղծված իրավիճակում Նիկոլ Փաշինյանը չեղարկեց Սամարղանդ այցը:

Հայաստանի և Իրանի ղեկավարների շփումը բնականաբար առաջին հերթին ուշադրության է արժանանում իրավիճակի այդ լարվածության և ադրբեջանական ագրեսիայի հետևանքով ստեղծված իրադրության համատեքստում: Ըստ հաղորդագրության, Իրանի նախագահը խոսել է լարվածությունը հանգուցալուծելու համար երկու կողմի հետ աշխատելու Իրանի պատրաստակամության մասին, նշելով նաև, որ Իրանի համար շատ կարևոր է Հայաստանի անվտանգությունը: Այդ հանդիպումից ժամեր առաջ Իրանի ԶՈՒ գլխավոր շտաբի պետն էր հայտարարել ռեգիոնում սահմանների որևէ փոփոխություն թույլ չտալու Իրանի հաստատակամության մասին: Վերջին շաբաթներին Իրանն այդ մասին խոսում է գրեթե ամեն օր, այդ կերպ վկայելով երկու բան: Կամ Իրանը իրապես տեսնում է այդօրինակ ռիսկերի իրատեսական և մոտ վտանգ և ավելորդ չի համարում կրկնել զգուշացումները, կամ Իրանը փորձում է այդ հայտարարություններով բարձրացնել իրանական դիրքորոշան քաղաքական գինը՝ ռեգիոնում և ընդհանրապես աշխարհում տեղի ունեցող դինամիկ զարգացումների ֆոնին: Իսկ դրանք նկատելիորեն թևակոխում են նոր, և թերևս լարվածության և բախման ավելի մասշտաբային փուլ, ինչի մասին է վկայում Ռուսաստանում մասնակի մոբիլիզացիայի մասին ՌԴ նախագահ Պուտինի որոշումը, նաև հանրաքվեն Ուկրաինայի այն շրջաններում, որոնք պատերազմի հետևանքով գտնվում են ռուսական վերահսկողության ներքո:

Մոսկվան փաստացի հայտարարել է, որ այդ շրջանները դիտարկելու է Ռուսաստանի տարածքային ամբողջության ու ինքնիշխանության շրջանակում, հետևաբար դրանց հանդեպ որևէ ռազմական գործողություն հավասարեցվելու է այդ ամբողջությանն ու ինքնիշխանությանը սպառնալիքի: Իսկ սա արդեն նշանակում է խնդրո առարկայի շուրջ ռազմա-քաղաքական որակապես նոր իրավիճակ և Ուկրաինան կամ պետք է կանգ առնի, կամ Ռուսաստանը պետք է արդեն իր վերահսկողության տակ անցած տարածքների նկատմամբ Ուկրաինայի գրոհներին պատասխանի այնպես, ինչպես կպատասխանի օրինակ ՌԴ միջազգայնորեն ճանաչված սահմանների ներքո որևէ գրոհի: Հակառակ պարագայում, Ռուսաստանի քայլը կոունենա փուչիկի քաղաքական էֆեկտ, ընդ որում ոչ միայն Մոսկվայի հակառակորդների, այլ նաև այն երկրների համար, որոնց Պուտինը դիտարկում է դաշնակից կամ գործընկեր, այդ թվում՝ Իրանի: Իրանի, որը անցնող շաբաթներին Ռուսաստանի հետ կայացնում է մի քանի խոշոր համաձայնություն:

Օրերս հայտնի դարձավ նաև, որ Թեհրանը Մոսկվայից կգնի օրական 9 մլն խմ գազ, որը կտարանցի Ադրբեջանով: Միաժամանակ, դեռևս հուլիսի 19-ին Պուտինի Թեհրան այցի ժամանակ հայտարարվեց, որ Գազմպորմի հետ կնքվում է 40 միլիարդ դոլարի ներդրրման համաձայնություն: Խոսքը Իրանի նավթագազային ոլորտում ենթակառուցվածքային ներդրման մասին է: Դրան զուգահեռ, Ռուսաստանն ու Իրանը Ադրբեջանի հետ փորձում են խորացնել Հյուսիս-Հարավ լոգիստիկ նախաձեռնությունը: Այդ պայմաններում հարց է առաջանում, Իրանը հայ-իրանական սահմանի մասին հայտարարությունները հասցեագրում է նաև Ռուսաստանի՞ն, որն ըստ տարածվածծ տեսակետի փորձում է Հայաստանից կորզել «միջանցք»: Եթե Թեհրանի հայտարարությունները հասցեագրվում են նաև Մոսկվային, ապա ստացվում է որոշակիորեն տարօրինակ պատկեր:

Թեհրանը Ռուսաստանին կասկածում է հայ-իրանական սահմանը «փակելու» հարցում, միաժամանակ միլիարդավոր դոլարների տնտեսական նախաձեռնություններ է համաջձայնեցնում Մոսկվայի հետ, որոնք ունեն նաև նկատելի աշխարհաքաղաքական ասպեկտ: Թե՞ Ռուսաստանը «միջանցքային» հարցը որպես «շանտաժ» է դիտարկում Թեհրանի հանդեպ, նրան այդ համաձայնությունների դաշտ բերելու համար: Բայց, այդ դեպքում իմաստազրկվում կամ դատարկ խոսքի է վերածվում Իրանի զգուշացումների «շքերթը»՝ թե թույլ չեն տա ռեգիոնալ սահմանների փոփոխություն և պատրաստ են կանխել դա ընդհուպ ռազմական ուժով: Թե՞ այդուամենայնիվ Իրանի հայտարարությունների հասցեագրումների շարքում չկա Ռուսաստանը, այլ Թեհրանը գուցե այդ կերպ փորձում է նույնիսկ աջակցություն հայտնել Ռուսաստանին՝ Ադրբեջանի և Թուրքիայի հնարավոր քայլերի դեմ, եթե նրանք որոշեն օգտվել Ուկրաինայում Ռուսաստանի խնդիրներից և դրանց հետևանքով Մոսկվայի կովկասյան դիրքերի զգալի թուլացումից: Բայց, Անկարան ու Բաքուն կգնա՞ն Մոսկվայի դեմ այդպիսի քայլի: Իսկ ինչու՞ ոչ, եթե ստեղծվի իրավիճակ, երբ Ռուսաստանը չունենա այդ քայլին համարժեք ուժով հակազդելու հնարավորություն: Ավելին, Թեհրանի դիրքորոշումը թերևս հաշվի է առնում նաև այդ՝ Մոսկվայի անկարողության հանգամանքը: Ամբողջ հարցն այն է սակայն, թե ինչ է կարող Իրանը, որն ինքն էլ ներկայումս բավականին բարդ իրավիճակում է, կապված միջուկային գործարքի անորոշությունների հետ, ինչն այսօր ավելանում է Իրանի ներսում հուզումների հերթական ալիքը, այս անգամ իրանցի 22-ամյա աղջկա մահվան առիթով, որ տեղի էր ունեցել նրան այսպես ասած բարոյական ոստիկանություն բերման ենթարկելուց հետո՝ հիջաբը ճիշտ չկրելու համար: Փաշինյան-Ռեյիսի հանդիպումը տեղի է ունենում այդ պայմաններին, ինչին զուգահեռ Թուրքիայի նախագահ Էրդողանը գտնվելով Նյու Յորքում որոշում է բարձրաձայնել, որ հոկտեմբերի սկզբին կարող է Պրահայում հանդիպել Հայաստանի վարչապետ Նիկոլ Փաշինյանի հետ՝ Եվրոպական քաղաքական համայնք նախաձեռնոության առաջին վեհաժողովի շրջանակում, որը Ֆրանսիայի նախագահի գաղափարն է և որին հրավիրված են նաև Հայաստանը, Ադրբեջանն ու Թուրքիան: Էրդողանի հայտարարության հարցում որպես շարժառիթ թերևս ամենևին երկրորդական չէ Փաշինյան-Ռայիսի հանդիպումը, հատկապես Նյու Յորքում Չավուշօղլու, Աբդոլահիան և Լավրով հանդիպումից հետո, որում թերևս «վերհաստատվել» է եռյակի միջև որոշակի անհամաձայնությունների հանգամանքը, որ նկատելիորեն առկա էր հուլիսի 19-ին Թեհրանում բարձր մակարդակի եռակողմ հանդիպմանը:

Բաժիններ
Ուղիղ
Լրահոս
Որոնում