Այսօր առավոտ՝ ժամը 08:00-ին ԱԻՆ աշխատակիցները վերսկսել են Իջևանի գինու գործարանի մոտ բռնկված հրդեհի հրդեհաշիջման աշխատանքները:
Ինչպես հայտնում են ՀՀ Արտակարգ իրավիճակների նախարարությունից՝ հրդեհաշիջման աշխատանքներին մասնակցում էին 25 փրկարար ծառայող և 1 անօդաչու թռչող սարք:
Հրդեհը մեկուսացվել է ժամը 10։55-ին, մարվել՝ 16։13-ին։ Այրվել է մոտ 13 հա անտառածածկ տարածք։
Նշենք, որ oգոստոսի 31-ին, ժամը 13։25-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան քաղաքի գինու գործարանի մոտակայքում այրվում է խոտածածկույթ:
