Թուրքիայի ԱԳՆ-ն հայտարարություն է տարածել՝ կապված Լաչին քաղաքը, Բերձորն ու Սուսը Ադրբեջանին վերադարձնելու հետ։ Հայտարարությունում նշվում է, որ Թուրքիան բավարարված է դրանց վերադարձով:
«Մենք գոհունակություն ենք հայտնում, որ Լաչին քաղաքը, Բերձոր և Սուս գյուղերն այսօր վերադարձվել են Ադրբեջանին՝ 2020 թվականի նոյեմբերի 10-ի հայտարարության համաձայն ընթացող գործընթացի շրջանակներում։
Հուսով ենք՝ Հարավային Կովկասում խաղաղության և կայունության վերականգնմանն ուղղված այս կարևոր քայլը կնպաստի տարածաշրջանում իրավիճակի կարգավորմանն ու ադրբեջանա-հայկական հարաբերություններին:
Թուրքիան ինչպես շարունակել է, այնպես էլ շարունակելու է աջակցել եղբայրական Ադրբեջանի տարածքային ամբողջականությանը և ինքնիշխանությանը», – ասվում է Թուրքիայի ԱԳՆ ուղերձում։
