Օրերս տեղի ունեցած ողբերգական պայթունը «Սուրմալու» առևտրի կենտրոնում հանրապետությունում և ոչ միայն, մեծ աղմուկ է բարձրացրել։ Այն իր որոշակի ազդեցությունն է թողել ՀՀ մի շարք ոլորտների վրա, ինչպիսին է օրինակ՝ զբոսաշրջությունը։ Ավելի հստակ պատկերացնելու համար, թե դեպքն ինչպես է անդրադարձել զբոսաշրջիկների և նրանց Հայաստան գալու կամ Հայաստանից գնալու ծրագրերի վրա։ «Առաջին լրատվական»-ի հետ զրույցում «Տուրիզմի հայկական ֆեդերացիայի» նախագահ Մեխակ Ապրեսյանն ասաց, որ վերոնշյալ դեպքերի համար զբոսաշրջային ոլորտը շատ կայուն է, քանի որ այս ընթացքում ապրել ենք կոռոնավիրուսային համավարակի և պատերազմների հետ, որի արդյունքում ամբողջ մարդկությունը դիմադրողականություն է ձեռք բերել։ Սրանք, ճիշտ է, որոշակի ազդեցություն ունենում, սակայն մեծ և երկարատև չեն լինում։ Պետք է հասկանալ յուրաքանչյուր տեղի ունեցող իրադարձության հասցրած վնասները, ժամանակային հատվածը, որի ընթացքում ամեն բան կկարգավորվի, թողած ազդեցությունն ու դա համակարգել, հարթել, բերել նախկին և ինչու ոչ, նախկինից ավելի լավ վիճակի ու այս իրադարձությունը ևս բացառություն չէ, այն իր հետևից բերելու է՝ որոշակի ազդեցություններ ու բխող հետևանքներ, որոնք ինչ-որ տեղ որևէ ոլորտում, թեկուզ հենց զբոսաշրջության վրա կառաջացնեն իրենց խոչընդոտները, խնդիրները, սակայն կարգավորման դեպքում ամեն բան տեղը կընկնի, քանի որ, բնական է, որ այն տեղեկատվությունը, թե որևէ տարածքում պայթուն է եղել կամ ռումբ է տեղադրաված և տարահանում են իրականացնում, մարդկանց մոտ ստեղծվում է վախի և զգուշավորության մթնոլորտ։
«Շատ կարևոր է, որ իրավասու մարմինները արագ և պատշաճ կեպով իրականացնեն իրենց աշխատանքները, որպեսզի խուսափենք ավելորդ բացասական հետևանքներից։ Դեպքի մեղավորների հայտնաբերումը միայն դրական ազդեցութուն կարող է ունենալ, այն ցույց կտա, որ իրավիճակը վերահսկողության տակ է, կա վստահություն համապատասխան մարմինների նկատմամբ․ դա թե՛ տեղի ժողովրդին, թե՛ օտարերկրացիներին կօգնի վստահ լինել մեր երկրի հետ կապված իրենց ծրագրերում, հակառակ դեպքում՝ արդյունքները գոհացուցիչ չեն լինի»,- նշում է մեր զրուցակիցը։
Ցավոք, այս դեպքից հետո, այո՛, հնարավոր է լինեն մարդիկ, որոնք չեղարկեն իրենց այցելությունները, բայց, ամենայն հավանականությամբ, դա կարճատև կլինի և ոչ մեծ մասշտաբներով ու կվերականգվի այն վստահությունը մեր երկրի նկատմամբ, որը կար ու կշարունակեն այցելել, իսկ կլինի միայն այն դեպքում, երբ իրավիճակը լինի լիիրավ վերահոսկողության տակ ու կարգավորման փուլում, որի համար էլ ներկայումս աշխատանքներ իրականցվում են։ Ապրեսյանի դիտարկմամբ՝ այս գործին կարող է լծվել նաև մասնավոր հատվածըը, առաջ քաշեն ծրագրեր, անգամ միջազգային նշանակության։ Նմանօրինակ ծրագրերից է՝ հայ-իրանական փառատոնը, որը հաջող նախադեպերից է։ «Երբ մարդիկ հասկանան, որ ամեն բան կարգավորված է, ամեն ինչ ինքնըստինքյան տեղը կընկնի»,- վստահեցնում է մեր զրուցակիցը։
