Ձեռներեցության աշխարհի գավաթը (Entrepreneurship World Cup) ստարտափ ոլորտի ամենամեծ մրցույթներից մեկն է։ Այն հիմնադրվել է 2019 թվականին՝ հնարավորություն տալով ավելի քան 400,000 ձեռներեցների շուրջ 200 երկրներից զարգացնել իրենց հմտությունները և աշխատել իրենց ստարտափների վրա։ Մրցույթի առաջին ազգային փուլը իրականացվում է յուրաքանչյուր երկրում, այնուհետև հաղթողներն անցնում են մրցույթի միջազգային փուլ։ Հայաստանում այն անց է կացվում 2-րդ անգամ։ Entrepreneurship World Cup 2022 Հայաստանը կազմակերպում է EPIC-ը հայկական էկոհամակարգի 6 ներկայացուցիչների՝ ՀՀ բարձր տեխնոլոգիական արդյունաբերության նախարարության, GIZ Հայաստանի, Team Telecom Armenia-ի, Startup Armenia Foundation-ի, Նորամուծության և ձեռներեցության ազգային կենտրոնի և Թումո Լաբերի հետ։ Մրցույթին դիմած 110 թիմերից 34-ն անցել են կիսաեզրափակիչ փուլ, իսկ դրանցից 12-ին հաջողվել է հասնել եզրափակիչ։
Team Telecom Armenia-ի գլխավոր տնօրենի խորհրդական Զավեն Նավոյանը լինելով ժյուրիի անդամ, փաստեց, որ բավականին լավ որակի ստարթափեր ունենք, ուրախ է, որ Team Telecom Armenia-ն աջակցում է նման մրցույթների և իրենց կողմից կհատկացնեն լրացուցիչ նվեր։
Միջազգային մրցույթում Հայաստանն այս տարի ունենալու է երկու ներկայացուցիչ, ինչը փաստում է հայաստանյան ստարտափ համակարգի դրական աճի մասին։ 2021 թվականին ազգային եզրափակիչը հաղթել են երկու հայկական ստարտափներ՝ Denovo Sciences-ը և Zoomerang-ը։ Մրցույթի՝ Սաուդյան Արաբիայի Ռիադ քաղաքում ընթացող միջազգային փուլում ստարտափներն ընդգրկվել են Թոփ 100 EWC ֆինալիստների շարքում, իսկ նրանցից մեկը Թոփ 25 ֆինալիստների մեջ։ Denovo Sciences-ը միջազգային փուլում զբաղեցրել է 5-րդ հորիզոնականը։
Միցույթի այս տարվա հաղթողներից Hopshop ընկերության համահիմնադիր Տիգրան Չախալյանը պատմեց, որ Հոփշոփը հեռախոսի հավելված է, որն օգնում է գնորդներին գնել ցանկացած կոշիկ, հագուստ կամ աքսեսուրար։Մրցանակն իրենց արած գործի գնահատականն է, մեծ պատիվ է, որ Հայաստանը ներկայացնելու են արտասահմանում, շնորհակալ էր նաև գործընկեր ընկերություններին:
Մյուս հաղթող ընկերությունը Text’N’PayMe է, որի ներկայացուցիչներ Միհրան Բաբայանն ու Արթուր Կարապետյանը տեղեկացրեցին, որ իրենց ընկերությունը բջջային հավելված է, որի միջոցով հնարավոր է ցանկացած նամակագրական հավելվածում բանկային գործառույթներ կատարել:
Ամերիկյան համալսարայի ձեռներեցության և նորարական կենտրոնի փոխտնօրեն Նժդեհ Հովհաննիսյանը նշեց, որ ծրագիրը սկսել են ապրիլից՝ տարբեր համակազմակերպիչների հետ:
Միջազգային մրցույցթը լինելու է սեպտեմբերին և հոկտեմբերին, մասնակցելու են 400-500 թիմ աշխարհի տարբեր երկրներից։Այս տարի սպասում են, որ մեր թիմերը կընդգրկվեն լավագույն հարյուր թիմերի մեջ, որոնք Ռիադում մասնակցելու են միջազգային մրցույցին։
Նժդեհ Հովհաննիսյանն ասաց, որ իրենք ունեին ցանկություն, որ մրցույթն ունենա ազգային բնույթ, այդ պատճառով ստեղծել են էկոսիստեմում աշխատող տարբեր կազմակերպություններից բաղկացած կոմիտե:
