Սեզոնով և աշխարհաքաղաքական իրադրությամբ պայմայնավորված՝ ՀՀ-ում զբոսաշրջիկների այցելուների տեմպը համեմատաբար աշխուժացել է։ Մասնագետների նշմամբ՝ դա հիմնականում պայմանավորված է ռուս-ուկրաինական պատերազմով, իսկ Հայաստանն էլ համարվելով՝ ապրելու և շրջագայելու համար համեմատած մատչելի և ապահով երկիր, գրավում է օտարերկրացիների ուշադրությունը։ Սակայն Հայաստանում կան տեղեր, որոնք հայտնի են իրենց շատ այցելություններով, ինչպիսիք են օրինակ՝ Դիլիջանը, Ջերմուկը։ Այս մասին «Առաջին լրատվական»-ը ուսումնասիրություն է անցկացրել՝ խոսելով սույն վայրերի հանգստյան գոտիների աշխատակիցների հետ՝ պարզելու որքանով է այդ հատվածում ակտիվություն նկատվում, արդոք տարածված լուրերը, որ վերոնշյալ տեղերում այցելուները շատ են իրականությանը համապատասխանու՞մ են, թե՞ ոչ։
Մեզ հետ զրույցում Դիլիջանի «Mega Rest House» հանգստյան գոտու աշխատակիցն ասաց, որ ակտիվությունը մեծ է, որն էլ կապված սեզոնային ու ռուս-ուկրաինական պատերազմով։ Հյուրերը գալիս են հիմնականում ոչ աշխատանքային օրերին, սակայն աշխատաքնային օրերին էլ ազատ սենյակներ գրեթե չեն լինում։ Հյուրանոցում այս ակտիվութունը միշտ եղել է, սակայն այս տարի աննախադեպ է։
Նշենք, որ Դիլիջանում նման շատ հյուրանոցներ կան, որոնք այնքան ծանրաբեռնված են, որ դժվար է լինում նույնիսկ նրանց հետ կապի դուրս գալ ու այս ակտիվությունը նկատվում է ողջ համայնքում և տեղի հյուրանոցներում, դրա մասին փաստում են հենց իրենք՝ աշխատակիցները։
Կթվա, թե Ջերմուկում էլ պետք է նկատվի նույնպիսի ակտիվություն, ինչպես, որ կա Դիլիջանում, սակայն, ի զարմանս, պատկերը լրիվ հակառակն է։ Մեզ հետ զրույցում Ջերմուկի «Jermuk Nairi Hyuranoc»-ի աշխատակից շեշտում էր այն փաստը, որ հյուրանոցը բացարձակապես ծանրաբեռնված չէ ու դա աննախադեպ, անսպասելի պասիվություն է իրենց համար։ Ասում է՝ նախորդ տարիներին այդպես չի եղել, մեծ ակտիվություն կար, իսկ հիմա լրիվ հակառակ պատկերն է։ Ջերմուկում աշխուժությունը քիչ է, տուրիստները չեն նախընտրում այցելել առողջարանային քաղաք, միայն մի փոքր ակտիվություն նկատվում է հանգստյան օրերին, սակայն օրեր էլ են լինում, որ սակավ թվով սենյակներ են զբաղված լինում։ Նախորդ տարներին, հուլիսից ակտիվությունը սկսվում էր մինչև օգոստոսի կես կամ վերջ, իսկ հիմա այդ ակտիվությունն էլ չկա։