Փարուխի դեպքերը ցույց տվեցին ռուս խաղաղապահները ինչի համար են, նրանց ներկայությունը ավելի շատ վնաս է տալիս, քան օգուտ: «Առաջին լրատվական»-ի հետ զրույցում նման տեսակետ հայտնեց սոցիոլոգ Կարեն Սարգսյանը:
Սոցիոլոգը անդրադառնալով նախօրեին ՀՀ վարչապետի հայտարարությանը նշեց․ «Վարչապետը հայտարարություն արեց մտադրությունների մասին: Փաշինյանը հարցը ուզում է միջազգայնացնել, ինչը ռուսներին ձեռնտու չէ»:
Սոցիոլոգի խոսքով՝ Արցախի հարցի շուրջ մանդատ ունեցող երկու կառույց կա՝ ՄԱԿ-ը և ՄԽ-ն, որոնք պարազլիզացված են․ «Մինսկի խումբ կոչվածը կոշտ կառույց չէ, բայց եթե դանակը հասնի ոսկորին կարող են համանախագահ փոխել: Եվրոպական կառույցների կոշտությունը գալիս է նրանից, որ ամեն ինչ կոնսենսուսով է լուծվում: ԱՄՆ-ի համար միևնույն է՝ էլ ով կմասնակցի իրենց հետ խաղաղության գործընթացին: ԱՄՆ-ից հնչեց կոշտ ուղերձ․ ռուսները շատ լավ հասկացել են մեսիջը»: