Էկոնոմիկայի նախարար Վահան Քերոբյանը Factor TV-ի հարցազրույցում խոսել է Հայաստանի և Թուրքիայի հարաբերությունների կարգավորմամբ պայմանավորված՝ տնտեսական դրական ակնկալիքներից, ինչպես նաև՝ մատնանշել է ռիսկերը։ Ըստ նախարարի՝ ՀՀ-ն երկու-երեք տարվա ընթացքում 30% տնետսական աճ կունենա՝ ցամաքային սահմանից հետո։ Էկոնոմիկայի նախարարությունը հաշվարկե՞լ է օգուտներն ու վնասները, որ բերելու է ապաշրջափակումը, ունե՞ն արդյոք հաշվարկներ՝ ՀՀ-ին ձեռնտու լինելո՞ւ է երկաթուղու կառուցումը։ Մտահոգությունն այն է՝ չստացվի այնպես, որ 200 մլն դոլար ծախսվի, բայց չօգտագործվի, կամ վնասով աշխատի։ Նաև երկաթգցծի ֆորմատների խնդիր է, մերը հին՝ խորհդրային ստանադարտներով է ավելի լայն են երկաթուղայի գծերը, ի տարբերություն եվրոպական ստանդարտներով թուրքականին։ Թեմայի շուրջ «Առաջին լրատվական»-ը զրուցել է թուրքագետ Նելլի Մինասյանի հետ:
Թուրքագետը կարծում է, որ սահմանների բացման հետ կապված կան որոշակի անհանգստություններ, թուրքական էժան ապրանք կմտնի մեր շուկա․ «Թուրքիան հայկական շուկան այնքան էլ գրավիչ չի համարում: Սահմանները բացվելու են և Հայաստանը մի օր մարտահրավերների հետ առերեսվելու է»:
Թուրքագետը սահմանների բացմամբ բաթումիացման վտանգ տեսնում է․ «Հայաստանը պետք է մշակի համակարգեր, որ սահմանների բացումից հետո կապահովի մեր անվտանգությունը»:
