Սպասվում է, որ Ուկրաինայի բյուջեի դեֆիցիտը մինչև տարեվերջ կկազմի 50 մլրդ դոլար, ինչը կազմում է երկրի ՀՆԱ-ի 30-35%-ը։ Այս մասին երկուշաբթի՝ հուլիսի 25-ին, հայտարարել է նախագահի տնտեսական խորհրդական Օլեգ Ուստենկոն։ «Մեր պետբյուջեն ամսական մոտ 5 միլիարդ դոլարի դեֆիցիտ ունի։ Մենք պլանավորել էինք, որ ողջ տարվա համար այն 7 միլիարդ դոլար կլինի, բայց դա ամսական ստացանք»,- ասել է նա համաուկրաինական հեռուստամարաթոնի եթերում։
Միաժամանակ, տարեվերջին պետք է ակնկալել շուրջ 50 միլիարդ դոլարի բյուջեի դեֆիցիտ։
Հիշեցնենք, որ մեկ օր առաջ Fitch Ratings միջազգային վարկանիշային գործակալությունը իջեցրել է Ուկրաինայի՝ արտարժույթով թողարկողի երկարաժամկետ դեֆոլտի վարկանիշը «CCC»-ից մինչև «C»: Այս մակարդակը ցույց է տալիս երկրում տնտեսական իրավիճակի նախադեֆոլտային վիճակը:
