Լուսնի վրա հայտնված առաջին մարդը` Նեյլ Արմստրոնգը, ԱՄՆ Կոնգրեսում մի քանի օրից ելույթ է ունենալու և փորձելու է կոնգրեսականներին համոզել ավելի մեծ աջակցություն ցուցաբերել ազգային տիեզերական ծրագրերին: Նեյլ Արմստրոնգը մտահոգված է, որ ֆինանսական խնդիրների պատճառով ԱՄՆ տիեզերական ծրագրերը հետընթաց են ապրում, Լուսին այլևս ոչ ոք չի թռչում, իսկ Մարս ուղևորվելու մասին ընդհանրապես մոռացել են:
Արմստրոնգի համոզմամբ Լուսինն ընդամենը կանգառ է հանդիսանում դեպի Մարս թռչելու համար և նման ծրագիր ֆինանսավորելու կոչով նա պատրաստվում է դիմել ԱՄՆ Կոնգրեսին:
Նեյլ Արմստրոնգը աշխարհի առաջին մարդն էր, ով 1969 թ-ի հուլիսի 21-ին ոտք դրեց Լուսնի մակերևույթի վրա: