Օրերս քաղաքացիներից մեկն իր ֆեսբուքյան էջում գրառում էր կատարել, որում պատմում էր այն մասին, թե ինչպես է գնացել տարադրամով գումար ստանալու ու բանկը նրանից 3 տոկոս է «կորզել», իսկ աշխատողը հավելել․ «Չես ուզում՝ Ամերիկա ապրի, կամ գնա՝ բեր հետդ»: Անձը հետո գնացել է ԱՁ-ի համար՝ ՀԴՄ մեքենայի համար բանկի հետ պայմանագիր կքնելու, որտեղից էլ նրանից ևս 50.000 դրամ են գանձել։
Այս մասին «Առաջին լրատվական»-ը խոսել է տնտեսագեոտ Կառլեն Խաչատրյանի հետ, որի նշմամբ՝ տոկոս պահելը դա բանկի ներքին սակագնային քաղաքականությունն է, որտեղ առավելագույնը՝ Կենտրոնական բանկը կարող է որոշակի սահմանափակումներ կիրառել, բայց ըստ էության՝ բանկը հաճախորդին ծառայություն է մատուցում և ինքնուրույանաբար այդ ծառայության գինը ֆիքսում։ Տրամաբանական չէ երեք տոկոս միջնորդավճար գանձելը։ Տնտեսագետի խոսքով՝ անշուշտ, բանկը որոշակի միջնորդավճար պետք է ունենա, բայց երեք տոկոսը բավականին բարձր է ու փաստացի ստացվում է, որ դրանով բանկերը ինչ-որ չափով իրենց «ապահովագրում են» հետագա խնդիրներից՝ արտարժույթի դիֆիցիտի առաջ կանգնելուց, արտարժույթի տատանման հետևանքով որոշակի վնասներ կրելու վտանգից և այլն։ Այս հարցում Կենտրոնական բանկը որոշակի անելիք ունի։
«Անկանխիկ մուծումները, բազմիցս ասել եմ՝ ժամանակավրեպ է, որովհետև առաջացնելու է բազում խնդիրներ՝ թե՛ ֆինանասկան, թե՛ ժամանակային, թե՛ հավելյալ բեռ են հանդիսանում բիզնեսի տեսանկյունից։ Մեծ հաշվով նման ահազանգերը ապացուցում են, որ առանց համապատասխան նյութական բազա ստեղծելու, առանց լիարժեք գնահատելու տարբեր տնտեսվարող սուբյեկտների վրա հնարավոր ազդեցությունն ու ֆինանսական բեռը՝ Կառավարությունը չպետք է գնար նման կտրուկ ու կոշտ քայլերի»,- ասում է Կառլեն Խաչատրյանը։
