Հունաստանում հրշեջների, զինվորականների և կամավորների համատեղ ջանքերով փորձ է արվում մարել անտառում արագ տարածվող հրդեհը, որն արդեն ոչնչացրել է 5 հազար հեկտար տարածք:
Հրդեհը բռնկվել է Թուրքիայի հետ սահմանակից շրջաններում: Ուժեղ քամու պատճառով հրդեհաշիջման աշխատանքները դժվարությամբ են իրականացվում: Ֆրանսիան և Իսպանիան առաջարկել են հակահրդեհային աշխատանքների համար նախատեսված հատուկ ինքնաթիռներ ուղարկել: Հրդեհվող անտառների հարակից շրջաններից տարհանում են բնակչությանը:
Անտառը դիտավորյալ հրդեհելու կասկածանքով ձերբակալվել է տեղացի գյուղացիներից մեկը: