«Հինգերորդ հանրապետության օրոք երբևէ ԱԺ-ում նման կոնֆիգուրացիա չի եղել։ Այս իրավիճակը վտանգ է մեր երկրի համար՝ հաշվի առնելով այն մարտահրավերները, որոնց մենք հանդիպելու ենք թե՛ ազգային, թե՛ միջազգային մակարդակով։ Բայց մենք պետք է հարգենք այս քվեարկությունը և հետևություններ անենք դրանից»,- իր ելույթի ժամանակ ասել է վարչապետը։ Նա նշել է, որ երկուշաբթի օրվանից իշխանությունները պետք է ակտիվացնեն և արագացնեն իրենց գործողությունները՝ ելնելով «բոլոր քաղաքացիների շահերից»։
Քվեաթերթիկների ավելի քան 70%-ի հաշվարկից հետո Ֆրանսիայի նախագահ Էմանուել Մակրոնի «Միասին» շարժումը հավաքել է ձայների 36,06%-ը։ Ժան-Լյուկ Մելանշոնի ձախակողմյան «Նոր ժողովրդական էկոլոգիական և սոցիալական միությունը» (Nupes) ստացել է 27,08%, Մարին Լը Պենի «Ազգային հանրահավաք» կուսակցությունը՝ 21,57% քվեներ:
Մելենշոնն ասել է, որ խորհրդարանական ընտրությունների նախնական արդյունքները վկայում են Մակրոնի քաղաքականության ձախողման մասին։ Լը Պենը խոստացել է, որ իր կուսակցությունը մտադիր է հանդես գալ կոշտ, բայց կառուցողական ընդդիմության դերում։
