Թուրքական Doğan լրատվական գործակալությանփոխանցմամբ՝ այսօր ժամը 12.00-ի մոտ Անթալիայի աշխարհահռչակ «Քոնյալալթը» լողափին տեղի է ունեցել ուժգին պայթյուն, որն իր բնույթով հիշեցրել է ձայնային ռումբի պայթյուն։
Պայթյունը տեղի է ունեցել ծովից ընդամենը 3 մետր հեռավորության վրա՝ արևայինանձրևանոցներից մեկի տակ, ինչի արդյունքում այդտեղ առաջացել է մեկ մետր խորությամբ փոս։
Պայթյունի հետևանքովթեթևակիորեն վիրավորվել են երկու կանայք, ովքեր այդ ժամանակ պատրաստվում էին մտնել ջուրը։ Զոհեր չեն գրանցվել։ Պայթյունից անմիջապես անց դեպքի վայր են ժամանել բժիշկներն ու անվտանգության աշխատակիցները՝ իրավիճակը վերցնելով իրենց հսկողության տակ։
Հիշեցնենք, որ նախկինում «Քրդստանի աշխատավորական կուսակցության» (PKK) զինյալները բազմիցս աչքի են ընկել Թուրքիայի զբոսաշրջային գոտիներում պայթյունների իրականացմամբ, ինչը մեծ վնաս է հասցրել Թուրքիայի զբոսաշրջությանը։
