ԵԱՏՄ-ի և Իրանի միջև ազատ առևտրի մասին համաձայնագրի գործողության ժամկետը կերկարաձգվի մինչև 2025 թվականի հոկտեմբերի 27-ը կամ մինչև Իրանի հետ ազատ առևտրի գոտու մասին համաձայնագրի ուժի մեջ մտնելը։ Դա բխում է Գործադիրի այսօրվա նիստում հավանության արժանացած ԵԱՏՄ-Իրան համաձայնագրին կից ստորագրված արձանագրությունից։
Արձանագրությունը ստորագրել են Հայաստանը, Ռուսաստանը, Իրանը, Բելառուսը, Ղազախստանը, Ղրղզստանը։
Ըստ ժամանակավոր համաձայնագրի՝ նախատեսվել էր ազատ առևտրի մասին համաձայնագիր կնքելու նպատակով բանակցություններն ավարտել 3 տարվա ընթացքում, հակառակ դեպքում՝ որոշում ընդունել ժամանակավոր համաձայնագրի կիրառումը շարունակելու մասին:
Հաշվի առնելով այն, որ կողմերը դեռևս չեն ավարտել բանակցությունները, 2022 թվականի մարտի 14-ին Թեհրանում ստորագրվել է ժամանակավոր համաձայնագրին կից արձանագրությունը, ըստ որի՝ Իրանի հետ ազատ առևտրի ժամկետը երկարաձգվել է ևս 3 տարով` մինչև ուժի մեջ կմտնի վերջնական համաձայնագիրը։
