«Վերին Լարս» անցակետում արդեն երկար ժամանակ է, ինչ մեքենաները կանգնած վիճակում են։ Օրերս խնդրի լուծման համար տեղի ունեցավ ՀՀ էկոնոմիկայի նախարար Վահան Քերոբյանի հանդիպումը Ռուսաստանի տնտեսական զարգացման նախարար Մաքսիմ Ռեշետնիկովի հետ: Հայտնում են, որ «Վերին Լարսի» անցակետային թողունակությունը կմեծանա 6,4 անգամ՝ օրական դրանով կկարողանա անցնել ավելի քան 2,5 հազար ավտոտրանսպորտային միջոց՝ մինչև 3000-ը հասցնելու հնարավորությամբ։
Այս պահի դրությամբ օրական բաց է թողնվում միջինը 800-1000 բեռնատար ավտոմեքենա` օրական 400 ավտոմոբիլային միջոցի ընդհանուր անձնագրային հնարավորության պայմաններում:
Հավելենք, որ «Վերին Լարս»-ի անցակետում հերթերի խնդրին լուծում տալու նպատակով պայմանավորվածություն է ձեռք բերվել լրացուցիչ կետ տեղադրել գործող մաքսակետից քիչ հեռավորության վրա, որն օրվա ընթացքում 170-200 մեքենա կարող է սպասարկել, որոշակի արտոնություն կլինի ԵԱՏՄ երկրների բեռնատարների համար: Այս մասին օրերս ասվել է ԱԺ-ում: Վերջին օրերի համեմատ հերթում սպասող մեքենաների քանակը համեմատաբար մեղմվել է։ Ռուսաստանից Վրաստան անցնելու խնդիրն էլ արդեն լուծված է: Այս պահին հայկական մեքենաների քանակը 400-500-ի սահմաններում է:
Համացանցում մի տեսանյութ էր տարածվել, թե ինչպես են տոննաներով փչացած մթերքը մարդիկ նետում աղբամանները․ չկա ո՛չ միրգ, ո՛չ ֆինանս։ Բեռնափախադրող ընկերությունների համար սա լուրջ ֆինանսական խնդիր է առաջացրել՝ տալով շուրջ 3 միլիոն դոլարի վնաս: Բեռնատարների վարորդները ևս բողոքում են՝ 15 օրից ավել է ինչ կանգնած են՝ չկա թե՛ ջուր, թե՛ խանութ սննունդի գնման համար։ Մենք փորձեցինք խոսել բեռնափոխադրող ընկերությունների հետ՝ ստանալու նրանց մեկնաբանումն այս հարցերի շուրջ, սակայն նրանք հրաժարվեցին։