Այսօր մեկնարկել են բուհերի ընդունելության միասնական քննությունները։ Այս տարի Երևանում ու մարզերում գործելու է 14 քննական կենտրոն: Առաջին քննությունը կենսաբանությունից և աշխարհագրությունից է:
Կենսաբանություն հանձնելու համար հայտագրվել է 1635 դիմորդ, աշխարհագրություն՝ 127 դիմորդ: Քննության տևողությունը 180 րոպե է:
ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանը նշում է՝ դիմորդների ընդհանուր թվի շատ մեծ փոփոխություններ չկան, բայց, կախված մասնագիտություններից, տարբերություններ կան․ կան մասնագիտություններ, որ նվազել են, իսկ որոշ տեղեր աճել են։ Այնուամենայնիվ, Թռչունյանի խոսքով՝ պահանջված մասնագիտություններն են «Իրավագիտությունը», «Մաթեմատիկան» և «Ինֆորմատիկան», թեև վերջին տարիներին բնական գիտությունների նկատմամբ հետաքրքրությունը մեծացել է։
«Ինքներս քննությունների հետ կապված փորձում ենք ավելի կատարելագործել, 23թվականից դիմորդները արդեն երկու անգամ՝ հունվարին և հունիսին կարող են հանձնել ընդունելության քննություն»,-նշեց Թռչունյանը։
