Սա այն հիվանդությունը չէ, որ մտահոգի հանրությանը, սա Քովիդի կամ արագ տարածվող մյուս վարակներից չէ։ Այս մասին հայտարարել են Առողջապահության համաշխարհային կազմակերպության ներկայացուցիչները՝ անդրադառնալով կապիկի ծաղիկ հիվանդությանը և նշել են, որ այս դեպքում առաջնահերթությունը հիվանդության տարածման զսպումն է։
«Մեր հանձնարարականները չպետք է վախ առաջացնեն հանրության մոտ, նպատակն ուշադրությունը հրավիրելն է, մենք պետք է իմանանք վտանգի մասին և պատրաստ լինենք ճիշտ ժամանակին տալ անհրաժեշտ պատասխան»,- ասել է ԱՀԿ-ի ռիսկային արձագանքման բաժնի տնօրեն Սիլվի Բրիանը:
ԱՀԿ-ի համոզմամբ այսօր չկա այդ հիվանդության դեմ զանգվածային պատվաստում իրականացնելու անհրաժեշտություն: