Ադրբեջանական APA լրատվական գործակալության փոխանցմամբ՝ Ադրբեջանը, Թուրքիան, Ղազախստանն ու Ղրղզստանը հանդես են եկել ՄԱԿ-ի Գլխավոր ասամբլեայում Թյուրքալեզու երկրների համագործակցության խորհրդին (ԹԵՀԽ) դիտորդի կարգավիճակ շնորհելու առաջարկով։
ՄԱԿ-ում Ադրբեջանի մշտական ներկայացուցիչ Ափշին Մեհտիևն՝ իր թյուրք գործընկերներ Էրթողրուլ Ափաքանի (Թուրքիա), Բիրգան Այտիմովայի (Ղազախստան) ու Տալաիբեկ Կիդիրովի հետ, ՄԱԿ-ի գլխավր քարտուղարին ներկայացրել են համապատասխան նախաձեռնության նախագիծը՝ խնդրելով այն ընդգրկել ՄԱԿ-ի Գլխավոր ասամբլեայի օրակարգային հարցերի թվում։ ՄԱԿ-ի Գլխավոր ասամբլեայի նստաշրջանը մեկնարկելու է սեպտեմբերի 13-ին։
Հիշեցնենք, որ ԹԵՀԽ-ի առաջին գագաթնաժողովը տեղի է ունենալու հոկտեմբերի 21-22-ը՝ Ալմաթիում։ Այդ խորհրդի ստեղծման մասին համաձայնագիրը ստորագրվել է 2009 թվականի հոկտեմբերի 3-ին՝ Նախիջևանում՝ թյուրքալեզու երկրների ղեկավարների 9-րդ գագաթնաժողովի ժամանակ։