Հոլիվուդի աստղ Բրեդ Փիթը վաճառքի է հանել Մալիբուի ափին գտնվող իր առանձնատունը: ԻՆչպես հայտնում է CNN Money-ն, չորս սենյականոց բունգալոն վաճառվում է 13մլն 750 հազար դոլարով:
Դերասանը տունը գնել էր 2005 թվականին` ՋենիֆերԷնիսթոնի հետ ամուսնալուծվելուց հետո՝ 8մլն դոլարով: Դրանից հետո նա որոշ վերականգնողական աշխատանքներ է կատարել, տեղադրել մերսող լոգարան, կառուցել թենիսի կորտ:
Տան ընդհանուր մակերեսը կազմում է 380 քառակուսի մետր, իսկ նրա հարակից հողային տարածքը` 5 հազար քառակուսի մետր: Բացի այդ՝ տան վրա աշխատել է հայտնի դիզայներ ՔրիսՍորենսենը, որը մասնագիտացված է էկոլոգիապես մաքուր դիզայնի վրա:
Տունը կառուցվել է 1962թ.:Այն ունի ապակե պատեր, որի շնորհիվ գեղեցիկ տեսարան է բացվում դեպի օվկիանոս: Տան մեջ հատակը մուգ հնդկեղեգից է, ունի երեք բուխարի, նոր, չժանգոտող մետաղից ժամանակակից խոհանոց, բացի այդ այն ունի գերժամանակակիցանվտագության համակարգ:
2009թ. վերանորոգումից հետո Փիթը ցանկացել է այն վաճառել 18մլն դոլարով, սակայն այդ ժամանակ գնորդներ չեն հայտնվել:
